يا رشا يا كحيل
صالح عبد السيد ابو صلاح
يا رشا يا كحيل غيثنى الهوى سبانى
يا الامرضنى وما طبانى ........... فى خديدك يلوح نور ربانى
نيران اشواقك لاهبانى ............. وسهام الحاظك ناشبانى
ومن ضمن الحاله التعبانى .......... مهضوم كشحك وصدرك بانى
يتهادى يميل خصرك فريع بانى
******
يا رشا يا كحيل غيثني هواك سباني ......هبت لي روائح دهشاني
يا نسيم روح وعود علشاني .....قوليه غرامك أغشاني
وأدركني الدمع الراشاني ....حسنك شانك والحب شاني
يا نسيم روح بلغ وأغشاني .......بحق من أنشاك وأنشاني
*****
من شفتا الحسن الفتانى ......... قلبى ترحل ووجدى اتانى
ومال جيش حبك غتانى ......... بسهامو الما بتختانى
ومال صدرك لحشاك بانى .........., وكتفك مال به فريع بستانى
يتكل فى دروعه يبوس تانى
******
لو للشعرا قصيد ومسانى ........... مابجيد وصفك غير لسانى
فى فوادى الحب مسانى ............. واصبح بى هواك وماسانى
مايصح منك تنسانى ............ لوغاب شخصك عن انسانى
غير شك اوصاف حسنك مؤانسانى
******
يا رشا يا كحيل هواك سباني ....جمر الأشواق هب قلاني
وإنطفأ بي دمعي البلاني
حبيبي غرامك أبلاني ....ملكني هواك وخلاني
فارقت أقاربي وخلاني ....حسنك والاك والحب والاني
*****
ليه يا ملاك حسنك سبانى ............. ليك نوره ولى نار سارجانى
فيك خاطر بى هو الجانى ............ فى بحور اشواقك زجانى
فيك خاطر بى ونجانى ............. اعلم اقبل سعدى وجانى
لو فى الاحلام طيفك نا
No comments:
Post a Comment